مستشفى الجذام بأبو زعبل.. الوحيده اللي معهاش فلوس تعمل إعلان.. المرضى مش لاقيين ياكلوا منسيين من الناس والحكومة
حصل معانا حاجة غريبة جداااا بابا بيشتغل مهندس تكيف و جاله زبون علشان شغل ولما بابا راح للراجل طلع الشغل فى مستشفى اسمها مستشفى الجذام انا كنت اول مرة اعرف عن هذا المرض وأن له مستشفى كمان المهم بابا راح المستشفى وهى فى منطقة ابو زعبل ولما راح هناك اتصدم من مساحة المستشفى و المكان. هى اكبر مستشفى ممكن تشوفوها اكبر من الدمرداش او 57 احب اقول ان ديه تقريبا اكبر مساحة مستشفى ع مستوى العالم مساحة رهيبة و لكن بابا بيقولى مكان مرعب عباره عن 3 مبانى واحد للسيدات و واحد للرجال و واحد للعاملين المهم بابا دخل و اتكلم مع كام واحد اتصدم اكتر لدرجة انه بكى عليهم. الناس مش بتاكل ومهملين اوى ومحدش بيسئل فيهم او عليهم وضعفاء الجسم و البنية
و كأنهم جثث بس فيها روح
بابا قرر انو يطلع الزكاة والصدقة ع هناك فطلع زكاة الحبوب رز ومكرونة و لحمة و فراخ وبيض ولبن طبعا بابا كان بيكلم طوب الارض علشان يجمعلهم الاكل لان فعلا الناس تصعب عليكم من المنظر.
المهم اخد الاكل االى اشتروه هو ومجموعة اشتركم معه وراح يوم الاربع اللى فات و قاموا بتوزيع الاكل عارفين اية اللى حصل الستات زغرطت والرجالة بتسجد شكر لله و الناس اتبسطت قوى علشان ح يأكلوا فى وحدة ست قعدت ترقص وتقول هياكلونا لحمة هاخد 100 جرام لحمة و تزغرط والله و الله بابا بيقولى انا حسيت انى شامم ريحة الجنة من سعادة الناس و دعائهم
فا ارجوا منكم جميعا المشاركة حتى لو شكارة مكرونة أو لو كل حد مننا يجيب اى نوع اكل للناس دى قولوا لاصحبكم و شير البوست و طلعوا الزكاة هناك الناس دى جثث بروح شكرا ل بابا وشكرا لكم
رقم المستشفي 0246232063…
رقم المدير..0246232102
العنوان ابو زعبل البلد بجوار شركة كهرباء الخانكه. 5 كيلو من القاهره
ياريت بعد اذن حضراتكم ننشر الفكره دي في كل الجروبات انا دخلت وقريت عن مستشفيات مصر لعلاج الجذام و هى تسمى مستعمرات الجذام واللي مش عارف الجذام فده مرض بتسببه بكتيريا ويحدث تشوهات في الوجه والعينين وتأكل للأطراف ويضطر المريض كلما انتشر المرض في جسمه يبتر الجزء المتأكل سواء كان اصبع او اذن او انف و للأسف لخطورة المرض وخوف الناس منه يكون المرضى منبوذين من المجتمع وفوق كل هذا معاناة المرض نفسيا حيث لا امل في الشفاء
هؤلاء المرضى و المستشفيات فعلا حالهم يصعب على اى إنسان و هم مهملون من الجميع افتكروهم
